احنا عمرنا…

عمرنا …

ما كان لينا اسم …

احنا لينا مصدر فقط ،

كل الأسماء والتسميات أشياء ملهاش معنى،، 

لا ليها أرض ولا أساس ولا مصدر ولا جذور.

ربنا سبحانه وتعالى خلقنا كأرواح حرة 

مش أسماء ،

فيه ناس ممكن تعيش عشان خاطر اسمها 

بتتجوز وتخلف عشان خاطر يدي اسمه لابنه،

وبعدين يعيش عشان خاطر الاسم ده ،

يربيه ويكبّره ..

ويجمع في فلوس وثروة وممتلكات عشان خاطر يورثها لاسمه ..

وزي ما ربنا سبحانه وتعالى بيقول: 

" إنْ  هي إلا أسماء سمّيتموها انتم وآباؤكم ما انزل الله بها من سلطان " 

أمّا سر الفلاح والنجاح والسعادة والبركة ..

هو انك تعيش عشان مصدرك..

مش عشان اسمك ..

والمصدر واحد.. 

هو الله سبحانه وتعالى.. 

ده أجمل معنى ممكن تعيش بيه الحياة.. 

انك تعيش عشان مصدرك..

تعيش عشان ربنا.. 

وتعلم ابنك احنا عايشين عشان ربنا.. 

يعني ايه عشان ربنا ؟

يعني عشان نحب الناس ونعمل الخير حُبّـاً في الله، 

لأننا مصدرنا كلنا واحد ..

بنتعاون مع بعض في اللي ينفع الناس ،

وبنسامح بعض،

لا الزعل بيفرقنا ،

ولا بنتدّارى ورا الحيطان وكل واحد في حاله ،

بنعيش اننا كلنا واحد ..

ومصدرنا واحد.

محباتي ❤️